اتمنى آحد يقنعني ,,,

صباح الخير ومساء النور ...

كيف الحال ؟!

حبيت آناقشكم في صرعة العصر ’’

((البلاك بيري مسنجر ))

تقريبا الكل عنده ,,, وصارت الأغلبية مدمنة له ,,

وآنا عن نفسي آملك الجهاز فقط!!!

وكل يوم تقريبا آكتشف صديقة لي تملك البلاك بيري وتنتظر مني فتح الخدمة وتحنننننن علي ’’’

وآنا بصراحة إلى الآن عندي علامات ؟؟!! (( تعجب وتساؤل )) حوله ,,

حبيت آخذ رايييكم ؟؟؟؟؟؟؟؟؟!

وخااااااطري آعرف نفسي ليش رافضته مع إني آحب التواصل مع هلي وصديقاتي ..

اتمنى آجد عندكم مايقنعني ’’’

تحياااااااااااااااااتي لكم ولنقاشكم ..

بنت القصيــــــــــــــــــــد

 

 

تحيتي لك موووضوووع جميل للنقاش

فالبلاك بيري هو موضوع العصر حاليا فكل بيت تقريبا يملك بلاك بيري

انا عن نفسي لا يعجبني البلاك بيري وكل ما اشوفه بمكان اكره نفسي حتى امس قريت بالجريده

عن خدمه هلا بلاك بيري كنت بشق الجريده احس صار مرض وكل من في الدوحه وده بالبلاك بيري

والمشكله انه صار ياخذ الشاب او الفتاه من اهلهم يعني لو كانوا جالسين قعده جماعيه تلاقين البلاك بيري باليد

والعقل فيه بس الشخص موجود كشكل اما وجوده كله بالبلاك بيري وهاي فيديو يوضح كلامي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

والي انا سمعته ان البلاك بيري

مصنوع لرجال الاعمال عشان يسهل عليهم اعمالهم ولكن الشباب اخذوه لعبه وديكور فكل يوم نشوف صيحات

جديده للبلاك بيري وكل محل يفتخر فيها والي يبي الماسنجر يقدر في اي جوال يحطه من جوالات الجيل الثالث مب

شرط بلاك بيري ماسنجر

وانا ادري انج عارفه وجهه نظري بهالموضوع بس حبيت اشارك وياج

وننتظر الي عنده خدمه البلاك بيري ,,,,

 

 

أخخخخ هذا أسميه مرض العصر أو العرب متخرعين

هو مشكله إذا الواحد أستخدمه بطريقة سيئه أو غير شرعيه مثل الإشاعات أو الكلام المهب ذرب يعني الواحد ألي يجيه كلام مهب ذرب أكيد بيوصل حق هلك إذا أرسلته لاحول ولا قوة إلا بالله

أنا عندي واحد وأستحي أنزله مجلس لأنه منقود صار عن العرب وعيب .. العالم والله متخرعين منه كبير والمشكله الصغار 24 ساعه عليه عجل أجلس على النت وشغل المسن أبركلك ولا ألحين

تطلعو طلعه جديه إيفون ماطلح إلا أنبطح نفس الشي والله لو بتكلم مابخلص

أشكرج بنت القصيد على الطرح ومشكلة هذا الزمن وأنشالله كيوتل ترفع سعره عشان محد ياخذه طبعاً هذا مستحيل والله يستر علينا وعليكم

أحترامي

 

 

زين والله موضوعج وايد حلوووو ... يبيله نقاش..


هاي الناس فاضيه بصراحه انا ماحب الوحده طول يومها ماسكه البلاك بيري ومنزله راسهااااا اعنبوووووووه عاد مب كل وقت ..


انصحج لاتاخذين ... انا كنت باخذ عقب هونت لانه ماحب امسك التلفون واايد..


لاهنتي على الموضوع ..

 

 

آشكررررررررررررررركم على نقاشكم الحلو

وآهنئكم على عقليتكم الرااااااقية

بالفعل صرعة وخرعه !!

انتظر البقية

 

 

صحيح له سلبيات بس بعد له يجابيات

باذكر لكم قصه من السلبيات

هي الاشاعات

مره ظهرو اشاعه اني منقلب على خط الشمال وحطو نوع الموتر و لونه و رقم اللوحه
ونتشر الخبر لين ما وصل لين البيت وسمعته الوالده وبوي وخواني الله يطول بعمارهم و عتفست الدنيا
وتمو يدوروني وكان تلفوني مسكر لين رجعت البيت لقيت الدنيا معتفسه واول من
استقبلني الصبي يقولي بابا انتا مافي موت!!!

فالك ما قبلناه

بس من رايي انه ما يصلح حق البنات.


تقبلي مروري

الربيعي

 

 

اي والله صدقت إنه مايصلح حق البنات !!


والحمدلله على سلامتك ...

 

 

وعليكم السلام والرحمه



البلاك بيري عادي كنج ماخذ وياج لابتوب متنقل .. مايفرق

الحلو فيه انه وسيلة تواصل سريعه .. يعني بدل لاتطرشين حق وحده مسج .. لين تشوفه لين ترد .. الخ

هذي مباشر تكلمينها

انا عن نفسي ماحبيت الجهاز كـ جهاز بس الخدمه افضل مافيه

وخلي السلبيات والايجابيات يحددها المستخدم نفسه .. يعني هو جهاز " جماد " مايخصه بالاشياء الي تصير عن طريقه سواء كانت ايجابيه او سلبيه

لان الانسان هو الي يتحكم فيه مهب العكس ..

 

 

ماشاء الله عجبني رااااااااايك ؟!

آشكرررك يالعنود